Cërtl de sustendiëures “Nosc Museum"

L cërtl de sustenidëures “Nosc Museum“ ie na grupa de cumëmbri dla lia Museum de Gherdëina che sustën l Museum tres cuntribuc de bona man, sponsoring, dunazions de valor o cunlaurazion de ulentariat. I cumëmbri dl Cërtl de sustenidëures vën nviei dal cunsëi dl Museum a purté ite ideies n con’ dla vijions y dla realisazion dl museum nuef, a fé prupostes per mostres y studi o proiec nueves y sambën a to pert ala jites cultureles y autra manifestazions particuleres.
 
 
 

N museum nuef per Gherdëina – n proiet per duc nëus

Gherdëina giapa na cësa nueva per si storia, cultura y daunì. Cun l Museum che ie da fé su da nuef vëniel a s'al dé n luech che mantën nosta arpejon y che pënsa inant. Śën, te chësta fasa dezijiva, à l Museum debujën de Vosc sustëni.
 
 

Per cie adurvons’a nce ti sustëni?

La Provinzia de Südtirol cun la Region autonoma y i Chemuns de Gherdëina sustën dassënn la gestion de nosc Museum, ma n se aspieta che nce i zitadins y la firmes de Gherdëina debe si cuntribut. Te cater ani puderons inauguré l Museum nuef. Nchin ntlëuta saral scialdi da lauré y custimënc da sustenì.

• Ulon lauré ora y mëter a jì n cunzet inuvatif y atratif per la esposizion nueva.
• L Museum muessa trapiné ora y per ntant nce cialé de resté daviert cun na pitla mostra te deplu lueges.
• I pec dla culezions muessa unì fac ite, trapinëi y cunservei cun cura te n’autra luegia y sambën nce studëi per i mëter ora da nuef.

 
Ve nvion de cuer a sustenì y a judé pea a crië nosc Museum de Gherdëina nuef!
 
N possa se registré tres l formuler online o ciarié ju l formuler d'iscrizion.