PRUGRAM Y FURMAZION CREATIVA DL MUSEUM GHERDËINA
L Museum Gherdëina nvieia families, grupes y persones de uni età a tò pert a manifestazions de n prugram culturel particuler. Pitli y granc possa scuvierjer adum la storia, cultura y l artejanat dla valeda cun vijites menedes, berstot creativa y autra prupostes interatives. Dessot sun chësta plata iel da abine duta la nfurmazions per planifiché vosta proscima vijita.
Raida storica de Urtijëi
Jì tres Urtijëi ie sciche viagë tl tëmp. La viles tl stil liberty fates su da artisć y ferlëgri nes porta ndëur te n tëmp ulache l ziplé garantiva n bensté ala valeda. La cëses de ferlëgher y la berstotes pieta na udleda ala ndustria dla roba da fé damat da n iede. Ntan la raida, nes conta ustaries y albiercs storics l’evoluzion de Urtijëi, ënghe coche luegia prijeda da alpinisć sibe d’instà che nce d’inviern.Periodo: 15 juni - 30 setëmber, uni lunesc dala 16:30 ala 18:00
Pont d’ancunteda: cassa dl museum
Rujeneda: tudësch y talian (aldò di partezipanc)
Priesc: 10 € VGA Parter y VG Club Card | 25 € DVG Partner | 30 €
Iscrizion: Museum Gherdëina, Lia dl turism de Urtijëi, S. Cristina y Sëlva (nchin dumënia dala 18)
Deplù nfurmazions
Escurscion geologica sun Secëda
Dan passa 200 milions de ani fova la valeda de Gherdëina duta curida dal mer y mo al didancuei iel da udëi i sënies. L’escurscion sun Secëda scumëncia te de mëndri sedimënc dl mer y ruva ju de viers de Furnes, tres la vëtes dl crëp for plu vedles.Periodo: 10 setëmber - 29 utober, uni juebia dala 10:00 ala 16:00
Pont d'ancunteda: Museum Gherdëina
Rujeneda: talian y nglëisc
Priesc: 70€ VGA | 85€ DVG | 95€ (la furnadoies ie laite tl priesc!)
Iscrizion: Museum Gherdëina, Lies dl turism de Urtijëi, S. Cristina y Sëlva
Deplù nfurmazions
Inaugurazion dla mostra "Berstot de Lenert"
Ai 18 de setëmber 2026 dala 18:00 vën giaurida la mostra "Berstot de Lenert - Rudolf y Ludwig Moroder".Can? 18 de setëmber, dala 18:00
Ulà? Cësa de Cultura de Urtijëi, Sala dla mostres
Ntreda debant
Deplù nfurmazions
Casperle vën a nes crì tl Museum
L museum nvieia de cuer a na reprejentazion dl “Kasperltheater” tradiziunel tla rujeneda ladina. Daldò vëniel pità n lëuratuere creatif tla mostra “Dal lën al juech”!Can? 19 de setëmber, dala 15:00
Ulà? Museum Gherdëina
Rujeneda: ladin
Ntreda debant
Deplù nfurmazions
Lëuratuere creatif sun l Itiosaur
Cun l'autëures dl liber “L Itiosaur de Secëda" Sara Welponer y Claudia Urthaler.Can? 2 de utober/ 16 de utober, dala 14:30 ala 17:00
Ulà? Museum Gherdëina
Priesc: 8 € per uni mut/muta
Iscrizion: 333 6177786 Marion (WhatsApp)
Deplù nfurmazions
Scuvierjer deberieda l mond dl juech!
Sun dumanda pieta l museum vijites menedes cun berstot tla mostra nterativa "Dal lën al juech".Dureda: 60 min. ca.
Rujeneda: ladin, talian, tudësch
Priesc: ntreda museum + 2,50€ per l material
Iscrizion: Museum Gherdëina
Deplù nfurmazions
Pedagogia museala per la scoles
Aldò dla cunescënzes dla sculées y di sculeies y di ubietifs de stude che n uel arjonjer, iel puscibl crì ora danter doi formes de mediazion:Vijita meneda tla mostra permanënta sun n tema de Vosta vela, sciche per ejëmpl geologia, archeologia, ert o Luis Trenker (scola elementera, scola mesana, scola auta).
Azion interativa sota l’istruzion y la sëuravijion dla mediadëura/dl mediadëur. Per chësta azions iel a despusizion materai didatics che descëida ora l nteres.
- Pec dl museum che va a cuer (scolina, scola elementera, scola mesana, scola auta)
- Popes, ciavei da cuna y cramaices (scolina, scola elementera, scola mesana, scola auta)
- Ladinia (s)cunesciuda (scola mesana)
Deplù nfurmazions y iscrizion:
info@museumgherdeina.it, Tel. 0471 797 554
Vijites menedes tl Museum
Vijites menedes per grupes da pudëi resservé nce ora de orar.Priesc: 80 € - nchin a 25 persones/grupa
Deplù nfurmazions y iscrizion:
info@museumgherdeina.it, Tel. 0471 797 554
